“Зорка Максіма ўзышла над зямлёю…”

5 снежня 2011 года а 18 гадзіне ў актавай зале Мінскай абласной бібліятэкі імя А.С. Пушкіна

прайшла літаратурна-музычная вечарына “Зорка Максіма ўзышла над зямлёю…”, прымеркаваная

да 120-годдзя з дня нараджэння класіка беларускай літаратуры Максіма Адамавіча Багдановіча.

Сцэнарый для мерапрыемства падрыхтавалі студэнткі 436-й групы факультэта інфармацыйна-

дакументных камунікацый Беларускага дзяржаўнага універсітэта культуры і мастацтва: Вікторыя

Саук, Вольга Саулава, Юлія Ткачэнка, Аліна Фёдарава, Святлана Хахель і Кацярына Яскевіч.

Кіравала працай студэнтаў кандыдат педагагічных навук, дацэнт кафедры тэорыі і гісторыі

інфармацыйна-дакументных камунікацый Прадзеіна Анжэліка Вадзімаўна.

На вечарыне студэнты чыталі вершы вялікага паэта, гучалі песні ў выкананні Кацярыны

Малькоўскай (студэнткі 336 г. ФІДК) і Алены Мычко (супрацоўніцы аддзела краязнаўчай

літаратуры Мінскай абласной бібліятэкі імя А.С. Пушкіна), Святланы Русецкай (факультэт

музычнага мастацтва). Усіх парадаваў яскравы танец “Лявоніха” ў выкананні студэнтаў ФТБКіСМ

Маісеевай Дзіяны і Ляўкавец Мікалая.

На мерапрыемстве дырэктар Беларускага дзяржаўнага архіва-музея літаратуры і мастацтва Ганна

Вячаславаўна Запартыка вельмі цікава паведаміла аб архіўнай спадчыне Максіма Багдановіча і

прадэманстравала электронныя копіі некаторых архіўных документаў паэта.

З віншаваннем таксама выступіла супрацоўнік Літаратурнага музея Максіма Багдановіча Ірына

Вітальеўна Юшкавец, якой быў перададзены кампакт-дыск з электроннымі копіямі дакументаў

з архіўнай спадчыны Максіма Багдановіча з фонду Беларускага дзяржаўнага архіва-музея

літаратуры і мастацтва.

---

Першаліст - 2011

3 лістапада 2011 г.  на кафедры тэорыі і гісторыі ІДК адбылося прысвячэнне першакурснікаў 136 і 135К груп у студэнты. Першакурснікаі яскрава расказалі пра сябе: спявалі, танчылі, расказвалі вершы, ігралі на фартэпіяна, разыгрывалі сцэнкі, паказвалі сваё майстэрства ў фалькларыстыцы. Якія студэнты вясёлыя ў жыцці, як яны умеюць адпачываць сведчылі іх прэзентацыі. 

На свята былі запрошаны кіраўнікі студэнцкіх арганізацый факультэта – Чарняўская Насця, старшыня студсавета, Малькоўская Каця, старшыня прафкама студэнтаў, Напрыенка Аліна – ўзначальвае на факультэце БРСМ, якія расказалі аб іх дзейнасці.

З прывітаннем да першакурснікаў звярнулася Вера Аляксандраўна Касап, загадчык кафедры тэорыі і гісторыі ІДК. Анжэліка Вадзімаўна Прадзеіна, дацэнт, куратар груп пазнаёміла студэнтаў з прафесарска-выкладчыцкім складам кафедры. На прыканцы мерапрыемства першакурснікам былі ўручаны памятныя падарункі.

“Апантаны гісторыяй…”

11 мая 2011 года на базе Мінскай абласной бібліятэкі імя А.С. Пушкіна

адбылася вечарына “Апантаны гісторыяй…”, прысвечаная 90-годдзю з дня

нараджэння М. Ермаловіча. Яе падрыхтавалі студэнты 536 гр. ФІДК Алена

Мароз і Надзея Крупская сумесна з супрацоўнікамі аддзела краязнаўчай

літаратуры бібліятэкі. Студэнты зрабілі прэзентацыю аб жыцці і дзейнасці

славутага гісторыка, літаратуразнаўцы, прадставілі выставу кніг, артыкулаў з

фондаў аддзела краязнаўчай літаратуры Мінскай абласной бібліятэкі імя А.С.

Пушкіна, ЦНБ НАН Беларусі. З успамінамі пра Ермаловіча выступіў вядомы

беларускі літаратар Мікола Багадзяж. Тыя, хто прысутнічаў, атрымалі

цудоўную магчымасць пачуць песню на словы Міколы Іванавіча ў выкананні

аўтара музыкі Таццяны Беланогай. Гэта мерапрыемства стала сваеасаблівым

вынікам вывучэння дысцыпліны “Бібліятэчна-бібліяграфічнае абслугоўванне

карыстальнікаў па краязнаўстве”.

---

 

 
 
 
 
 
 

ЦСДБ-2011

У рамках работы па прафарыентацыі кафедрай менеджменту інфармацыйна-дакументнай сферы 15 сакавіка 2011 года у Цэнтральнай дзіцячай бібліятэцы імя            М. Астроўскага ДУ “Цэнтралізаваная сістэма дзіцячых бібліятэк г. Мінска” ладзілася мерапрыемства, прысвечанае цудоўнай прафесіі бібліятэкара, на якое былі запрошаны навучэнцы старэйшых класаў і выкладчыкі сярэдніх школ Маскоўскага раёну г. Мінска.

У ўтульнай зале бібліятэкі студэнты 435-К групы паведамілі прысутным аб гісторыі прафесіі бібліятэкара, патрабаваннях да сучаснага бібліятэкара-бібліёграфа, расказалі аб факультэце інфармацыйна-дакументных камунікацыі, яго спецыялізацыях, умовах паступлення. Выступленні суправаджаліся дэманстрацыяй прэзентацыі, падрыхтаванай выкладчыкам кафедры, кандыдатам гістарычных навук, дацэнтам Уладзімірам Антонавічам Акулічам.

Выкладчыкі кафедры – кандыдат педагагічных навук, прафесар Лілія Адамаўна Дзямешка і кандыдат педагагічных навук, выкладчык Алена Юр’еўна Казленка адказалі на пытанні школьнікаў і настаўнікаў. Вельмі цікава, што першае пытанне, якое задалі выкладчыкам школьнікі, было аб магчымасці або немагчымасці паступлення хлопцаў на спецыялізацыі факультэта.

Акрамя непасрэдна прадстаўлення інфармацыі аб прафесіі і факультэце, студэнты чыталі вершы, гралі на флейце, паказвалі цікавыя тэатральныя касцюміраваныя замалёўкі аб гісторыі прафесіі, яе сучасным стане.

Вельмі актыўна школьнікі удзельнічалі ў падрыхтаваных студэнтамі конкурсах. Напрыклад, школьнікам спадабалася ўдзельнічаць у конкурсе на лепшае чытанне хуткамоўкі са спецыяльнымі бібліятэчна-бібліяграфічнымі тэрмінамі. Кожны ўдзельнік атрымаў невялічкія, але вельмі прыемныя падарункі.

Мерапрыемствам засталіся задаволеныя і школьнікі з настаўнікамі, і супрацоўнікі бібліятэкі, і студэнты з выкладчыкамі. Карысны вопыт такіх сустрэч будзе выкарыстоўвацца і надалей

Дзень Маці: фота на памяць

12.10.2010. прайшла цікавая сустрэча-святкаванне з нагоды Дню Маці пад назвай “Дзень Маці: фота на памяць”.

У пачатку адбылася прэзентацыя праекта “Сямейны фотаальбом”. У межах праекта студэнтаў і выкладчыкаў факультэта запрасілі прынесці фотаздымкі сваіх матуль і, па-магчымасці, напісаць для іх прысвячэнні – некалькі слоў любві і падзякі. У выніку атрымалася кранальнае фота-шоў, якое змаглі ацаніць усе, хто прысутнічаў у зале. Са сцэны прагучала і лепшае прысвячэнне, якое напісаў для сваіх выхавацеляў быўшы выхаванец Клецкага дзіцячага дома студэнт 2 курса ФІДК Андрэй Бразгоўка.
На мерапрыемства былі запрошаны жанчыны, якія і самі з’яўляюцца добрымі маці для сваіх дзяцей і вядуць актыўную выхаваўчую дзейнасць у грамадстве: ужо вядомая нашым студэнтам матушка Вераніка Сярдзюк – маці чатырох дзяцей, культуролог, журналістка, пісьменніца і Ала Бардзілоўская – галоўны спецыяліст упраўлення прававой інфарматызацыі НЦПІ Рэсп. Беларусь.
Матушка Вераніка выказала свае погляды на пытанні мацярынства, мнагадзетнасці, магчымасці спалучэня выхавання асабістых дзяцей і прафесійнай, грамадскай дзейнасці, аб цяжкасцях, якія ўзнікаюць у жанчын пасля з’яўлення дзіцяці і шляхах іх пераадолення, аб узаемнай помачы паміж бацькамі.
Ала Бардзілоўская расказала аб сваіх інтарэсах і захапленнях, аб цікавых паваротах у сваёй парфесійнай дзейнасці, выказала асабісты пункт гледжання на праблему сіротства, прадставіла ўнікальны праект НЦПІ “Дзіцячы прававы сайт”, мэта якога – прававое выхаванне дзяцей і моладзі, сацыялізацыя асобы пасродкам фарміравання кампетэнтнасці ў сферы правазносін асобы і грамадства. Словы падзякі сваім маці выказвалі дэкан факультэта М.Яцэвіч і выкладчыкі Л.Даніленка, А.Прадзеіна. Музычныя падарункі для сваіх мам і гасцей у ходзе мерапрыемства прадставілі студэнты ФІДК Юлія Бацюня, Яўгенія Хвайніцкая, Кацярына Малькоўская, Алеся Ціткова, Аляксандр Кулішэнка, Васіль Яцэвіч, Алена Ставіцкая, Юры Бекебаеў.
Вядоўцамі мерапрыемства былі старшы выкладчык кафедры Жанна Раманава і лабарант кафедры Святлана Страх.

Гендэрная роўнасць: ілюзія альбо рэальнасць?

16.03.2010 адбылося ток-шоў “Гендэрная роўнасць: ілюзія альбо рэальнасць?”.Для абмяркавання пытання былі запрошаны цікавыя госці: Таіса Супрановіч – член саюза пісьменнікаў Беларусі і Расіі, лаўрэат прэміі Саюза пісьменнікаў і газеты «Звязда» за лепшы твор года, вядучы метадыст бібліятэкі універсітэта культуры і мастацтваў; святар Павел Сярдзюк – настаяцель прыходу храма свяціцеля Мікалая Японскага, вядоўца праграмы «Мир вашему дому» і яго супруга – Вераніка Сярдзюк – маці чатырох дзяцей, культуролог, журналістка і пісьменніца – аўтар кнігі «Непраздные рассказы. Откровенно о беременности, родах и первых сорока днях»; Аляўціна Заяц – акушэр-гінеколаг 6-й гарадской клінічнай бальніцы, сацыяльны супрацоўнік Праекта Глабальнага фонда па прафілактыцы ВІЧ-інфекцыі, туберкулёзу і малярыі ў Рэспубліцы Беларусь; Уладзімір Каляда – кіраўнік сацыяльна-псіхалагічнай і педагагічнай службы БДУКМ, псіхолаг.
У ходзе мерапрыемства запрошаныя спецыялісты разам са студэнтамі абмяркавалі праблемы існавання гендэрных стэрэатыпаў, рэальнай роўнасці паміж мужчынамі і жанчынамі, прыводзілі прыклады дыскрымінацыі па прызнаку полу з асабістага жыцця, разгледзелі пытанні аб аптымальным узросце ўступлення ў шлюб, аб размяркаванні абавязкаў у сям’і, аб магчымасці сумяшчэння ўдалага шлюбу і кар’еры.
Цікавы пункт гледжання на азначаныя праблемы выказаў Уладімір Каляда. Ен пракаментаваў прычыны з’яўлення гендэрных стэрэатыпаў, расказаў аб псіхілагічных каранях насілля ў сям’і як працістаяць гэтай з’яве.
Святар Павел Сярдзюк і матушка Вераніка распавядалі аб духоўнай сутнасці шлюбу, дзяліліся асабістым вопытам пабудовы адносін у сям’і, аб адносінах царквы да праблемаў гендэрнай роўнасці, насілля ў сям’і і абортаў.
Таіса Супрановіч і Аляўціна Заяц падзяліліся сакрэтамі гарманічнага сумяшчэння сацыяльных роляў жонкі, маці, спецыяліста высокага ўзроўню. Таіса Супрановіч прыводзіла прыклады з асабістага жыцця і жыцця гераінь сваіх твораў. Аляўціна Заяц закранула параблему зніжэння рэпрадукцыйнага здароў’я жанчын, высокай колькасці абортаў у свеце і рэспубліцы. Актыўны ўдзел у абмяркаванні прынялі і студэнты факультэта, якія задавалі пытанні, дзяліліся асабістымі думкамі.
Вядоўцамі мерапрыемства былі старшы выкладчык кафедры Жанна Раманава і магістрантка кафедры Вераніка Масальцава.

Першаліст-2010

---

2 лістапада 2010 года кафедра тэорыі і гісторыі інфармацыйна-дакументных камунікацый факультэта інфармацыйна-дакументных камунікацый арганізавала са студэнтамі сваіх спецыялізацый (136 група – “бібліятэчна-бібліяграфічнае краязнаўства”, 235К група – “навукова-метадычная дзейнасць бібліятэк”) свята “Першаліст”, якое традыцыйна праводзіцца для першакуснікаў.
Адметнасцю мерапрыемства сталі не толькі падрыхтаваныя студэнтамі электронныя прэзентацыі — прадстаўленні сваіх груп, саміх сябе, але і творчыя нумары, у якіх студэнты раскрылі свае таленты. На пачатку прагучала інструментальная п’еса “Парыжскі лістапад” у выкананні студэнткі 136 групы Мельнічак Анастасіі (на гітары), якая задала лірычны і задушэўны настрой. Студэнты 235К групы вызначыліся добра распрацаваным сцэнарыем прадстаўлення сваёй групы: гучалі вершы (аўтар – студэнт Плутаў Антон), гумарыстычная інфармацыя са студэнцкага жыцця і навучання, была разыграна сцэнка “Экзамен”. На завяршэнне спявала студэнтка 136 групы Калбасіч Ірына.
Віталі першакурснікаў студэнты 2-га курса (236 групы) са сваёй прэзентацыя групы за год навучання, са словамі-пажаданнямі, а таксама ад імя 5 курса выступіла с электроннай прэзентацыяй і стараста студэцкага савета Чарняўская Анастасія. Словы-пажаданні ад імя кафедры сказала Вера Аляксандраўна Касап — загадчык кафедры. Свята вялі куратары груп — Доўнар Ларыса Іосіфаўна і Вайцэховіч Надзея Юр’еўна, якія ў завяршэнні мерапрыемства запрасілі ўсіх студэнтаў 136 і 235К груп на кафедру. Для прагляду фотагалерэi патрабуецца Adobe Flash Player.